torna a surriento

• vide ‘o mare quant’è bello!
  spira tanta sentimento...
  comme tu, a chi tiene mente,
  ca, scetato, ‘o faje sunna’!
  
  guarda gua’ chisti ciardine,
  siente sie’ ‘sti sciure ‘e arancio...
  nu prufumo accussí fino,
  dint’ ‘o core se ne va...
  
  e tu dice: “io parto, addio!”
  t’alluntane da ‘stu core,
  da la terra de ll’ammore,
  tiene ‘o core ‘e nun turna’?!
  
  ma nun mme lassa’,
  nun darme stu turmiento...
  torna a surriento:
  famme campa’!
  
  vide ‘o mare de surriento
  che tesore tene ‘nfunno:
  chi ha girato tutt’’o munno,
  nun ll’ha visto comm’a ccà!
  
  guarda, attuorno, sti ssirene
  ca te guardano ‘ncantate
  e te vònno tantu bene:
  te vulessero vasa’!
  
  e tu dice: “io parto, addio!”
  t’alluntane da ‘stu core,
  da la terra de ll’ammore,
  tiene ‘o core ‘e nun turna’?!
  
  ma nun mme lassa’,
  nun darme stu turmiento...
  torna a surriento,
  famme campa’!